نكت قصيرة وطويلة مضحكة نقدمها لك اليوم لكي تحظى بالرح والسعادة ، وتخلق جو من الفكاهة بين أصدقائك وأقاربك ، تعرف على أجمل نكت مضحكة من خلال السطور التالية .
نكت قصيرة
إليك مجموعة نكت قصيرة مضحكة للغاية ، ويمكنك استخدامها أثناء الجلوس مع أصحابك لإضفاء البهجة والمرح :
مرة واحد عسكري زهق من البندقية ، راح اشترى حمصية .
واحدة ست أول مرة تسوق عربية ، راح على الجي بي اس قالها إنحرفي قليلا ، قامت خلعت الحجاب .
واحدة صممت تتجوز من ورا أبوها قام لف وشافها .
بيقولك مرة سمكة نزلت المايه غرقت .
مره واحد كان عايز ينط من الدور الثامن راح نط من الرابع مرتين .
مرة واحد بلع فوطة ريقه نشف .
نكت مصرية
إليك مجموعة نكت مصرية أصيلة مليئة بالسخرية :
مرة واحد غبي اصطاد سمكة لقاها بتتحرك قال لازم أموتها راح رماها في البحر تاني .
مرة واحد يوم فرحه بعد ما روح البيت هو ومراته مش عارف يفتح معاها كلام راح قالها : أهلك عارفين إنك هنا ؟
مرة اتنين رخمين اتحكم عليهم بالاعدام ، قالوا للأول نفسك في إيه قالهم نفسي أشوف أمي ، وسألوا التاني نفسك في إيه قالهم نفسي ماتخلهوش يشوف أمه .
مرة صرصار دخل سوبر ماركت وخرج منه حزين .. عارفين ليه لإنه شاف نفسه على عبوات الرش .
مرة واحد مسطول سأل عن نتيجة الماتش قالوله صفر صفر ، قالهم مين اللي جاب الصفر الأول .
نكت مضحكة
مجموعة من النكت المضحكة التي لا يختلف عليها أي حد ، وتخلق عالم آخر من الضحك :
ذهب الحمار لحضور فرح أسد فقال له ملك الغابة انا ماعزمتش حمير ليه جاي فرحى ، فرد الحمار أنا كنت زيك أسد لكن بعد ما اتجوزت بقيت حمار .
مرة واحد راح يشتري فراخ علشان يربيها فى القفص الصدري .
ليه النمر بيجرى ورا العربية ؟.. عشان يعاكس النمرة .
مرة اتنين صعايدة بيلعبو شطرنج واحد قال للتاني أنا موتلك الحصان ، راح التاني قام سم البهايم .
مرة طفل بيقول لأبوه أنا عايز أكمل دراستي بره ، راح الأب رد عليه وقاله خلي أمك تفرشلك في الصالة .
مرة سلحفاة جعانة دخلت مطعم وطلبت رز ، صاحب المطعم رماها برة المحل ، جات بعد شهر قالتله طيب ماتزقش بس عيب كدة .
مرة واحد رخم أوي نزل الشارع يدور على حد يرخم عليه مالقاش ، راح وقف قدام العمود وقاله يلا عديني .
مرة واحد منوفي اتجوز موظفة ، اتفق معاها قبل الجواز أنه يدفع إيجار الشقة وهي تدفع المصاريف ، وبعد 20 سنة جواز مات واكتشفت إن الشقة تمليك مش إيجار .
واحد بخيل اشترى تليفون جديد ، وحطط التليفون في الجيب اللي ورا ، وقام نسي وقعد على كرسي ، فسمع صوت حاجه بتتكسر ، رد قال يارب يبقي صوت عمودي الفقري مش التليفون .
