نكت مضحكة – انستا عربي

كثيراً ما يحتاج الإنسان لسماع بعض النكات المضحكة ، لكي يتخلص من الضغوط التي يتعرض لها سواء في الحياة ، أو العمل ، أو لكسر الروتين الذي يعاني منه بشكل يومي ، وبهذا المقال نعرض بعض النكات الطريفة ، التي اخترناها لكم بعناية لكي تعمل على إضحاككم من القلب .

• مره واحد بلديتنا لقى حرامي في بيته ، فالحرامي خد التلفزيون ، وطلع يجري قام بلديتنا جري وراه عشان يديله الريموت .
• واحد صعيدي رايح البنك ، وواخد حبل معاه ، فواحد بلدياته قاله هتعمل إيه يا مجنون ، قالوا هسحـب الرصيد .
• واحد حــب يتعلم الطيران ، اشترى كتاب كيف تكون طيارا ، فراح خطف طيارة وقام يطبق الخطوات في الجو ، في أخر صفحة مكتوب للهبوط انتظر الطبعة القادمة .
• دكتور عايز يكشف على ثلاثة مجانين أخذهم على حمام سباحة مفيهوش مية ، وقال لهم اسبحوا ، وراحوا دخلوا حمام السباحة ، إلا واحد قال الدكتور أكيد ده عاقل وسأله ليه مش بتعوم معاهم ، قال لا أنا المنقذ .
• واحد رفع قضية وقعت عليه .
• دكتور عيون محشش شاف إشارة المرور حمراء نزل يحطلها لها قطرة .
• في سـمكتين نزلوا في شبكة صياد قالت وحدة للثانية رحنا تونا .
• واحد حلاق اشتري بطيخة طلعت قرعة .
• مرة واحد جاب إطار عربيه فلقاه نايم صعب عليه يصحيه .
• كسلان داخل الاختبار وقع منه القلم سلم الورقة .
• واحد بخيل مبلط بيته كله رخام ليه ؟ عشان إذا وقع القرش يسمعه .
• واحد حب يحط فلوسه في البنك ، ولما راح لقي البنك مغلق ، أم حط الفلوس تحت باب البنك .
• واحد غبي فتح محل غاز ، فجر أربع أسطوانات غاز عشان يعمل دعاية للمحل .
• واحد مسطول بيقول لصاحبه ، مش عارف يا أخي عود الكبريت ده ما بيولعش ليه مع إنه لسه مولع من شوية .
• مرة مدرس رياضيات أتجوز مدرسة رياضيات خلفوا ولد متساوي الساقين .
• إيه الفرق بين الأسبوع وموس الحلاقة والصحراء ؟ الأسبوع فيه حد ، والموس فيه حدين ، والصحراء ما فيهاش حد .
• هل تعرف من هو أوفي مخلوق ؟ نملة مات زوجها الفيل وقعدت طول حياتها تدفن فيه .
• زرافة، وفيل ، وأسد ، وفأر ، وثعلب ، وأرنب ماشيين في الغابة ، وقعوا كلهم في حفرة إلا الزرافة، قالولها : جيبي لنا حبل ، قالتلهم : ما فيش ، قالولها : إحنا جوعانين عايزين نأكل ، قالتلهم : ماعرفش أجيب لكم أكل ، قالولها : والعمل ؟ قالت لهم : كلوا أضعفكم ، قام الفأر نط مفزوع وقال لهم ، اللي هيقرب من الأسد هيعرف شغله .
• واحد أحول راح يجيب أبوه من المطار باس الشنطة وشال أبوه .
• مرة 10 أغبياء بيلعبوا على الطريق الصحراوي ، واللي تخبطه العربية مرتين يطلع برة اللعبة .
• تايه بيسأل واحد ماشي في الشارع، إيه أسرع طريقة أروح بيها للمستشفى ؟ ؟ قالو غمض عينك وعدى الشارع .
• مرة واحد غبي ماشي في الشارع ، لقي واحد صاحبه قاله أزيك يا علي شكلك أتغير خالص ، الثاني رد عليه بس أنا مش علي الأول ، قاله وكمان غيرت اسمك .
• ثعبان نظره ضعيف يوم ما حب واحده طلعت خرطوم .
• بلدينا ماسك قنبلة وعمال يحدفها من الأيد دي ، للأيد دي ، قابله واحد تاني قال له يخرب بيتك ، ولما تنفجر في وشك ، قاله متخافش معايا غيرها .
• بلدياتنا نجح في انتخابات مجلس الشعب ، ففي أول جلسة قاعد جنب واحد أفندي ، فالأفندي عزم عليه بسيجارة مارلبورو ، وبعد شويه بيسألوا إيه رأيك في الديمقراطية يا حاج ؟ فرد الحاج ، والله أحسن من الكيلوبترا !!
• واحد قال لأبنه ، نابليون وهو أدك كان أول واحد في الفصل رد الواد على أبوه ، نابليون وهو أدك يا بابا كان إمبراطور .
• واحد متضايق بسبب تأخر الراتب ، فخلعت زوجته خاتمها وقالت ، بيعه وتصرف يا حبيبي ، فبكى وبكى وبكى حتى ابتلت لحيته فقالت ، لا تبكي فأنت اشتريته لي ، فقال لها ، هذا الخاتم مش ذهب .